Мемлекет басшысы Үкіметке 1 шілдеге дейін жергілікті өзін-өзі басқаруды дамытудың тұжырымдамасы жобасын даярлауды тапсырды

Кері қарай

«Біз жергілікті шағын және орта бизнеске қолдау көрсету шараларын қаперде ұстауымыз керек. Жергілікті өзін-өзі басқаруды жетілдіріп, барша жергілікті даму мәселелерін шешуге азаматтардың қатысуын қамтамасыз ету маңызды мәселе болып табылады», - деді Президент Н. Назарбаев.
  Сондай-ақ, Елбасы Үкіметке 3 айдың ішінде жемқорлыққа қарсы кешенді бағдарлама жасап шығуды тапсырды. Елбасы биылғы халыққа Жолдауында Үкіметке 3 айдың ішінде жемқорлыққа қарсы кешенді бағдарлама жасап шығуды тапсырды.
«Жемқорлықпен күресте жаңа стратегия жасақтау қажет. Парақорларды анықтап, оларды сотқа тарту шараларымен шектелмей, жаңа құқықтық тетіктерді, ақпараттық мүмкіндіктерді қолдану керек. Жемқорлыққа қатысты құқық бұзушылықтардың алдын алуға қоғамды мейлінше көп тарту ләзім», - деп атап көрсетті Президент бүгін Парламент палаталарының бірлескен отырысында.
  Н.Назарбаевтың айтуынша, Үкімет аталмыш бағдарламаны жасау барысында басқа мемлекеттердің тәжірибесін кәдеге жаратып, жіті зерттеп және оны одан әрі жетілдіру  бағытында еңбек етуі тиіс.
 «Біз тек мемлекеттік қызметкерлердің кірісін ғана емес, шығыстарын да рәсімдеуге көшуіміз керек. Осы мәселеге байланысты арнайы заң шығару қажет және Үкіметке 3 айдың ішінде кешенді жемқорлыққа қарсы бағдарламаны жасап шығуды тапсырамын», - деді Елбасы.      
   Елбасы Үкімет пен Президент Әкімшілігіне 2012 жылдың 1 жартыжылдығының соңына дейін президенттік кадрлық корпусына кандидаттар туралы ұсыныс дайындауды тапсырды
     Қазақстанда президенттік кадрлық корпусына кандидаттар әзірленеді. Бұл туралы бүгін Елбасы Нұрсұлтан Назарбаев ҚР Парламентінің бірлескен отырысында Қазақстан халқына арнаған жыл сайынғы дәстүрлі Жолдауында мәлім етті.
  2  1 ғасыр заманауи мемлекеттік басқаруда жоғары талаптарды қажет ететіндігін бас айтқан Н.Назарбаев: «Біздің басты мақсатымыз білікті саяси басқарушы санаттарын дайындау болып табылады. Үкімет пен Президент Әкімшілігіне 2012 жылдың бірінші жартыжылдығының соңына дейін президенттік кадрлық корпусына кандидаттар туралы ұсыныс дайындауды тапсырамын», - деді.
    Арнайы комиссия білімі, кәсібилігі және жоғары моральдық сапасы бойынша кандидаттарды іріктейтіндігін тілге тиек еткен Елбасының пайымынша, кадрлық корпусқа кірген кандидаттар біздің еліміздің жаңа басқарушы элитасының негізін қалайтын болады.