АЙТЫЛҒАН СӨЗ... "Бүгінде кез келген этностық немесе діни ұстанымдағы қазақстандық - өз елінің тең құқықты азаматы.
Қазақ халқы мен мемлекеттік тіл дамып келе жатқан қазақстандық азаматтық қоғамның біріктіруші ядросы ретінде көрінуде.Бұл үдеріс объективті жүріп жатыр.
Мемлекеттік БАҚ-тардың 70 пайызы қазақ тілінде шығады.
Қазақ тілінде білім беретін мектептерде оқитындардың саны 63 пайызды құрайды.
Біз 2020 жылға қарай барлық қазақстандықтардың 95 пайызы мемлекеттік тілді меңгеруі тиіс деген міндет қойып отырмыз.
Мемлекеттік тілді меңгеруге алдымен өз қандастарымыз мол үлес қосуы керек.
Еліміздегі он миллионнан астам қазақ түгел ана тілінде сөйлесе, байлықтың үлкені осы болар еді.
Бұл тіл баршаны біріктіретін, жастарды жақындастыратын татулық тіліне айналуға тиіс!
Мен тіл туралы мәселе - саясат мәселесі емес екенін талай айтқанмын.
Саяси шешім баяғыда, Конституция мен тиісті заңдар қабылдануымен алынған болатын.
Тіл туралы мәселе саяси саудалаудың тақырыбы бола алмайды". ҚР Президенті Н.Ә.Назарбаевтың ҚХА сессиясында сөйлеген сөзінен, Астана, 27 сәуір, 2012 жыл.
БАҚ
Шымкент қаласындағы бұқаралық ақпарат құралдары жөнінде қысқаша мәліметтер
Бүгінгі таңда Шымкент қаласында жұмыс атқарып отырған бұқаралық ақпарат құралдарының саны - 135, оның ішінде: газеттер-120, журналдар-10, телеарналар -3, радио -2. Тақырыптық бағыттары бойынша ақпараттық бағыттылық – 41,9 % және қоғамдық-саяси – 22,6%. Қала аумағындағы БАҚ-ның иелік формасының 90 %-ы мемлекеттік емес.
Бұқаралық ақпарат құралдарының 80 пайыздан астамы мемлекеттік тілде басылады. Қалада өткізілген барлық саяси, әлеуметтік, экономикалық іс – шаралар бұқаралық ақпарат құралдарының қатысуымен ұйымдастырылады.
БАҚ -ның 85% -ның шығу тілі қазақ тілінде, қалған 15% -ы басқа тілдерде жарияланады.
Шымкент қаласы ішкі саясат бөлімінің жұмыс жасайтын саласының бірі - бұқаралық ақпарат құралдарына мониторинг жасау. Мониторинг жасау арқылы кейбір басылымдарда жарияланған сын материалдарға уақтылы жауаптар беріледі.
